Бүген район полиция бүлеге еллык эшчәнлеккә йомгак ясады (фоторепортаж)

Әлеге утырышта муниципаль район башлыгы Азат Айзетуллов, шәһәр прокуроры Марс Фәткуллин, шәһәр суды рәисе Рафаэль Шамионов, районара тикшерү бүлеге начальнигы Рөстәм Мөгыйнов катнаштылар. Төп доклад белән район эчке эшләр бүлеге начальнигы Радик Егоров чыгыш ясады. Ул еллык эшчәнлек нәтиҗәләре буенча быел бүлек тиңдәш 12 бүлек арасында 10нчы урынга чыгуын әйтеп узды. 2015 елда районда алдагы ел белән чагыштырганда җинаятьләр саны да арткан. Бу уңайдан Радик Михайлович коллегаларына тырышып эшләргә, кимчелекләрне бетерергә кирәклегенә басым ясады.