Буа шәһәренең яңа мэры билгеләнде (+фото)

9 августтан Буа шәһәре башкарма комитетын Айрат Илдар улы Хәбибрахманов җитәкли. Ул 1980 елның 25 декабрендә Казанда туган. Югары белемле - 2004 елда Казан дәүләт технология университетын тәмамлаган. "Югарымолекуляр кушылмаларның химик технологиясе" инженеры. 2014 елда Казан шәһәренең социаль һәм гуманитар белем бирү институтын тәмамалап, юрист белгечлеге алып чыга. Хезмәт юлын 2002 елда Казанның "Хитон" җәмгыятендә 3 разрядлы синтез аппаратчысы буларак башлый. 2014 елдан бүгенге көнгә кадәр "Росреестр"ның Казан филиалы директоры булып эшли. Өйләнгән, ике улы бар.

2013 елның 5 июленнән 2017 елның 10 июленә кадәр Буа шәһәре башкарма комитетын Александр Александрович Никифоров җитәкләде. Бүген ул лаеклы ялда.