Буада 50 һәм 55 ел бергә яшәүче парларга ЗАГС хезмәткәрләре килде (+ фото)

Шәһәрдә агымдагы елның икенче яртысында биш гаилә шундый юбилейлы туйларын билгеләп үтә. ЗАГС бүлеге начальнигы Эльвира Шагалиева аларны өйләренә барып котлады. Шәхсән үзе һәм район җитәкчелеге исеменнән 26 декабрь көнне Зөбәрҗәт туйларын билгеләп үтәчәк Евдокия һәм Анатолий Гавриловларга,

Алтын парлар - Мөршидә һәм Мөкатдәс Вәлиевләргә,

Кәүсәрия һәм Фиргать Ашимовларга,

Фәридә һәм Илсур Фәхретдиновларга,

Нина һәм Николай Гордеевларга

теләкләрен җиткерде, бүләк тапшырды. Һәрберсе лаеклы тормыш һәм хезмәт юлы үткән, балалар тәрбияләп үстергән юбилярлар мондый олылауга рәхмәтле калдылар.