Буада башлангыч сыйныф укучылары доктор “Айболит”ны каршы алдылар (+фото)

Бүген көне буе үзәк китапханәнең 1 номерлы филиалына Р.З. Сәгъдиев исемендәге мәктәп укучылары агылды. 2 "А", 2 "Б", 3"А" сыйныфта белем алучылар катнашында биредә Бөтендөнья Сәламәтлек көне уңаеннан "Доктор Айболит"ны каршы алабыз" дигән чара уздырылды. Балалар сәламәт яшәү рәвешенә багышланган шигырьләр укудылар. Аннан китапханәчеләр Резедә Җамалетдинова һәм Миләүшә Хәсәнова балаларга сәламәт булу серләрен сөйләделәр, моның өчен даими рәвештә спорт белән шөгыльләнергә, санитар-гигиена таләпләрен төгәл үтәргә кирәклеген әйтеп уздылар. Соңыннан барысы бергә җыелып, "Теш табибында кунакта" дигән мультфильм карадылар.