Буада быел кайсы урамнарда юллар ясала?

Район башкарма комитетының юл, транспорт, торак-коммуналь һәм юл хуҗалыгы бүлегенең өлкән белгече Ранис Бәдретдинов сүзләренә караганда, быел шәһәрнең Энергетиклар, Болын (калган өлешен) урамнарына яңа асфальт җәяләр. Ибраһимов, Г. Гали, Яшьлек, Ерак, Боҗра, Бакча, Ш.Абдрахманов, 2нче Тимер юл урамнарындагы, Техник һәм Хәйруллин тыкрыкларындагы юлларны ком-таш белән түшиләр. Вокзал (тулысынча), К.Маркс (өлешчә) урамнарындагы юлдан асфальтның өске өлешен алып, яңа өслек җәяләр. Ә Яшел, Колхоз, Бебель, Кызыл Армия, Дала, Р. Люксембург, Төньяк Коммуна, Кояшлы урамнарында, Репин, Октябрь урамнары тыкрыкларында чокыр ремонты үткәрелә.

Фото:adm44.ru