Буада Идел арьягындагы авыл хуҗалыгы предприятиеләре җитәкчеләре очрашты (+фото)

Район мәдәният сараенда узган семинар зур табыш бирә торган культураларны игү мәсъәләләренә багышланды. Чараны муниципаль район башлыгы Азат Айзетуллов башлап җибәрде. Ул районның авыл хуҗалыгы өлкәсендә ирешелгән күрсәткечләре белән таныштырды. Аннан сүзне Татарстан Авыл хҗалыгы һәм азык-төлек министры урынбасары Николай Титов алды. Ул телекчелеккә дә игътибар бирергә кирәклеген әйтте. Моңа өстәп министр урынбасары быел республикада шикәр заводлары уңышлы эшләвен, шул исәптән Буаныкын да мактап телгә алды. Кукуруз һәм соя культуралары үстерүдә "Авангард" агрофирмасын үрнәк итеп күрсәтте. Николай Титов авыл хуҗалыгы предприятиеләре җитәкчеләренә язын чәчүгә орлык сатып алганда аеруча игьтибарлы булырга, бары лаборатор тикшерүләр узганны чәчәргә кушты.