Буада санитар чистарту икеайлыгы башлана. Барыгыз да кушылыгыз!

Ул 1 апрельдән старт ала һәм 31 майга кадәр дәвам итәчәк. Бу вакыт аралыгында, һәрвакыттагыча, район торак пунктлары экология һәм халыкның санитария-эпидемиология куркынычсызлыгы таләпләренә җавап бирерлек хәлгә китереләчәк. Оешма-предприятиеләргә беркетелгән территорияләр төзекләндереләчәк һәм чистартылачак, экологик проблемаларны хәл итүгә барлык яшәүчеләр җәлеп ителәчәк. Татарстан Республикасының Экология һәм табигый ресурслар министрлыгының Идел аръягы идарәсе инспекторлары шәһәр һәм авыллар буенча рейдлар үткәрәчәкләр һәм санитар чистарту барышын һәм санитария-экология таләпләрнең үтәлешен тикшерәчәкләр.

Фото: lside.ru