Буада уракка төштеләр

Районда урып-җыю эшләренә беренчеләрдән булып "Авангард" агрофирмасы кереште. "Новый путь", "Үзәк" бүлекчәләрендә көзге бодайны 600 гектарда җыеп алдылар. Бүген "кыр кораблары" "Маяк" һәм "Ырыңгы" бүлекчәләренә күчтеләр. Суктырылган ашлыкны Борындык элеваторына да илтәләр, Кайбыч һәм Яңа Чәчкап авылларындагы бөртек чистарту-киптерү комплекслары аша чыгартып орлыкка да салалар. Элеваторга тапшырылган 600 тонна бодай тулысынча 3 класс таләпләренә җавап бирә.

"Коммуна" җәмгыятендә, "Ак Барс Буа" агрофирмасының 2 номерлы "Дружба" филиалында да уракка төштеләр. Әлегә бөртекне контроль суктыру иң зур уңышның яңгырлар күбрәк яуган "Дружба" да булуын күрсәтә - һәр гектардан уртача 26 центнер.