Буалылар, кайда наркоманлыкка каршы көрәштә сезнең дә ярдәм кирәк!

Буа районында 12 марттан 23енә кадәр "Кайда үлем саталар, хәбәр ит!" бөтенроссия акциясенең беренче этабы үтә. Район эчке эшләр бүлеге хәбәр итүенчә, ул җәмәгатьчелекне накроктикларның законсыз әйләнешенә каршы торуда катнашуга җәлеп итү һәм оператив мәгънәгә ия мәгълүматны җыю һәм тикшерү максаты куя.

Бу уңайдан наркоманлыкның фаҗигагә китерүен аңлаган һәркемнең уяулык күрсәтүе һәм акциядә актив катнашуы сорала. Сез (84374) 3-12-88 "кайнар" телефон номерына шалтыратып әйткән хәбәр күпме кешене, бәлки сезнең якыннарыгызны да, афәттән саклап калыр иде. Бер генә мөрәҗәгать тә игътибарсыз калдырылмаячак.