“Минем яраткан укытучым” бәйгесенең беренче этабы нәтиҗәләре билгеле. Икенчесендә кемнәр катнаша?

Бүген көндезге 12 сәгатьтә конкурсның беренче этабында катнашучы педагоглар өчен тавыш бирү тәмамланды. Анда Янтуган авылы мәктәбенең биология укытучысы Вәсилә Арифуллина - 38, сәләтле балалар өчен лицей-интернат укытучысы Луиза Бакунина - 172, 1 номерлы мәктәбенең татар теле һәм әдәбияты укытучысы Сөмбел Вахитова, - 315, 2 номерлы лицей-интернатның математика укытучысы Венера Гафурова - 481, Р.З. Сәгъдиев исемендәге мәктәпнең башлангыч сыйныфлар укытучысы Фәридә Габитова - 128 "лайк" җыйды. Венера Гафурова әлеге этапның җиңүчесе булды.

Икенче этапта шәһәрнең 1 номерлы мәктәбенең башлангыч сыйныф укытучысы Диләрә Газизова, Р.З. Сәгъдиев исемендәге мәктәпнең татар теле һәм әдәбияты укытучысы Гүзәл Гыйниятуллина, Иске Суыксу авылы мәктәбе укытучысы Илсөяр Җаббарова, 2 номерлы лицей укытучысы Гүзәлия Җәләлова, шәһәрнең 5 номерлы гимназиянең инглиз теле укытучысы Гүзәл Иванова катнашалар.

Тавыш бирү 2 октябрь көнне көндезге 12 сәгатьтә тәмамланачак.

Яраткан педагогыгыз өчен тавыш бирегез!!!