Буа мәктәпләрендә соңгы кыңгырау чыңлады (фоторепортаж)

Быел унберенче сыйныфны 116 укучы тәмамлый. Олы тормыш юлына иң күп - 27 укучыны лицей-интернат озата. 1 номерлы мәктәптә 26, М. Вахитов исемендәге гимназиядә 19 чыгарылыш. Иске Суыксу һәм Яңа Тинчәле урта мәктәпләрен исә берәр укучы гына тәмамлый. Тугызынчылар 493. Аларның 69ы 2 номерлы лицейда, 55е - Р. З. Сәгъдиев исемендәге мәктәптә, 43е 1 номерлы мәктәптә белем ала. Иң аз составлы - ике укучылы сыйныф Ташкичү (Тимбай авыл җирлеге) мәктәбендә. Инде иртәгә тугызынчылар өчен төп дәүләт имтиханнары башлана. Аны чит телләрне сайлаучылар тапшырачак. Унберенчеләр өчен беренче бердәм дәүләт имтиханы 29 майга билгеләнгән. Ул географиядән һәм информатикадан булачак.