Безнең конкурс! Буаның иң яхшы “участковыен” сайлыйбыз!

Район газетасы һәм телевидениесе, сайты чираттагы конкурс игълан итә. Ул полиция хезмәткәрләренең һөнәри бәйрәменә багышлана. Без әлеге бәйгене полиция бүлегенең бер подразделениесе - участок вәкилләре арасында уздырырга уйладык. Чөнки алар халыкка иң якын полицейскийлар, зарлары, проблемалары булса мөрәҗәгать итәләр. Начальниклары Рамил Әбекиев әйтүенчә, буалылар хезмәткәрләргә бүлеккә килеп тә еш кына рәхмәт әйтәләр. Ул менә шундый иң күп халык мәхәббәтен яулаучы биш "участковыйны" безнең конкурска тәкъдим итте дә. Алар - Андрей Смирнов, Алмаз Алимов, Раил Камалов, Илдар Зартдинов һәм Айрат Хәлилов.

Алар өчен бүгеннән башлап, "Вконтакте" социаль челтәренең "Новости Буинска" төркемендә 27 октябрьнең көндезге 12 сәгатькә кадәр тавыш биреп була. Финалга иң күп "лайк" җыючы ике участковый чыгачак. Тавыш бирик!