Буада инвалидлар декадасы. Балачакны төсле итәргә! (фоторепортаж)

Бүген мәдәният сараенда инвалидлар декадасы кысаларында балалар өчен концерт күрсәтелде, шунда ук төрле кул эшләре буенча мастер-класслар эшләде. Әлеге чарада катнашкан район башкарма комитеты җитәкчесенең социаль мәсьәләләр буенча урынбасары Лилия Садретдинова районда сәламәтлеге чикләнгән балалар өчен ниләр эшләнүе, аларның уңышлары турында сөйләде. Залда балалары белән килгән өлкәннәргә сораулар булганда компетентлы органнарның һәрвакыт җавап бирергә әзер булуларын әйтеп китте. Балалар икенче катта үзләрен төрле кул эшләрендә сынап карый алдылар. Барысына да тәм-томнар тутырылган пакетлар да өләшенде.