Буа районының “Авангард” агрофирмасы – иң яхшы чөгендер игүче

Ул Россиядә 2018 елның иң яхшы чөгендер игүче хуҗалыгы булып танылды һәм Россия шикәр җитештерүчеләр Берлегенең II дәрәҗә Дипломы белән бүләкләнде. Җитешетрү күрсәткечләренә килгәндә, “Авангард”та узган ел шикәр чөгендерен 1500 гектарда иктеләр. Һәр гектардан уртача 500 центнерга якын уңыш җыеп алдылар. Быел да бу кыйммәтле культура мәйданын киметмәделәр һәм аннан тагын да югарырак уңыш алу өчен барысын да эшләделәр. Рәт аралары берничә кат эшкәртелде, ашлама кертелде, шулай ук чөгендер алу комплекслары ремонтлап куелды.