Байрак
  • Рус Тат
  • 600дән күбрәк спортчы катнашкан бәйгедә буалы яшь каратэчылар ничек чыгыш ясады? (+ фото)

    Казанда Кобудо каратэ буенча узган Татарстан Беренчелеге Ринат Хәсәнов кул астында шөгыльләнүче буалы яшь каратэчылар өчен уңышлы булды. Контактлы кумитэ төрендә 10-11 яшьлекләр арасында М. Вахитов исемендәге гимназиядән Азамат Хәсәнов беренче, Рамазан Исхаков – икенче, 5 номерлы гимназиядән Николай Cавельев өченче урын алдылар. 

    Өчесе бергә команда белән бо (таяк) һәм нунчаки белән эшләүдә икенче булдылар. Кумитэда  тагын 6-7 яшьлекләр арасында М. Вахитов исемендәге гимназиядән Риназ Хөсәенов, 12-13 яшьлекләрдән Р. З. Сәгъдиев исемендәге мәктәптән Раил Җамалиев, 18 яшьтән өлкәнрәкләр арасында КСЮИдан Миләүшә Латыйпова беренче урын яуладылар. Миләүшә нунчаки кумитэ төрендә дә җиңүгә иреште, ә ката буенча өченчене алды. Шулай ук нунчаки кумитэда 8 яшьлекләр арасында 2 номерлы лицейдан Кирилл Сергейчев беренче, 9 яшьлекләрдән Р. З Сәгъдиев исемендәге мәктәптән Самир Хәсәнҗанов – икенче, 1 номерлы мәктәптән Раиф Әюпов – өченче, 12-13 яшьлекләрдән шулай ук Р. З. Сәгъдиев исемендәге мәктәптән Раил Җамалиев һәм кызлардан 10-11 яшьлекләр арасында  Камилла Чернеева беренче булдылар. Камилла ката буенча да беренче, кумитэда икенче урын алды.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: