Безнең Ләйсән өчен тавыш бирик!

Бүген 13 сәгатьтә "Нечкәбил" хатын-кыз матурлыгы, әни булу һәм гаилә республика конкурсы финалистлары өчен тавыш бирү башланды. Финалга чыккан 12 әни арасында буалы Ләйсән Сәмәрханова да бар. Әйдәгез, аның өчен тавыш бирик. Моның өчен "Нечкәбил" сайтында Катнашучылар өчен тавыш бирү рубрикасына керергә һәм фото астындагы түгәрәккә басарга кирәк. Бит астындагы кодны (роботлардан саклау өчен) кертү дә таләп ителә. Тәүлеккә 1 мәртәбә тавыш бирергә мөмкин. Тавыш бирү 24 ноябрьдә 13 сәгатьтә төгәлләнә. Җиңүчене бүләкләү 26 ноябрьдә конкурсның йомгаклау танатанасында булачак. Ләйсәнгә уңышлар телибез!