Бүген Буада балалар бакчаларына 700гә якын бала килде

Район мәгариф идарәсеннән алынган мәгълүматларга караганда, районның барлык балалар бакчаларында бүген 679 бала ( районда балалар бакчаларына йөрүчеләрнең гомуми саны – 1606)  килгән. Моңа кадәр дежур төркемнәрдә аларның саны 60 тирәсе булган. Әти-әниләр ТР Сәламәтлек министрлыгы таләбе буенча, балаларның сәламәтлеге турында табиб белешмәләрен педиатрлардан телефоннар, call-үзәк, поликлиника регистратуралары аша ала алганнар. Аларның балаларын бакчага китергәндә һәм алып киткәндә маскалар, перчаткалардан булуы кирәклеген алдан кисәткәннәр. Иртән бакчага нәниләрнең температураларын үлчәп кабул итәләр. ОРВИ, ОРЗ симптомнары булганнарны кабул итмәячәкләр.