Бүген халык эшкә ашыкканда Түбән Наратбашта янгын чыкты (+ фото)

Янгын бүген иртәнге сәгать тугызынчыда чыккан. 111 номерлы янгын часте янгын сүндерүчеләре бәла булган урынга килеп җиткәндә гараж түбәсе һәм тимер сайдинг белән тышланган 6х12 метр үлчәмле агач йортның 30 квадрат метрда мансардасы яна торган була. Тиз арада утны йөгәнләп, йортның үзен саклап калалар. Буа һәм Чүпрәле районнары буенча янгын күзәтчелеге эшчәнлеге бүлеге начальнигы Александр Филин сүзләренә караганда, янгын электр җиһазларын эксплуатацияләү кагыйдәләрен бозу аркасында чыккан дип фаразлана.