Сишәмбе көнне Мөкерле авылында янгын чыкты

Анда 6х10 метр үлчәмле йортның һәм аның арткы ягына терәп үк салынган 4х12 метр үлчәмле сарайның түбәләре янды. 111 номерлы янгын часте, Янтуган аерым посты һәм "Рассвет" ирекле янгын сүндерү ДПОсы янгын сүндерүчеләре килеп җиткәндә аларны ут камап алган була инде. Моннан тыш, якында гына урнашкан гаражга һәм күрше хуҗалыкның сараена күчү куркынычы килеп туа. Янгын сүндерүчеләр моңа юл куймадылар, утны тиз арада йөгәнләделәр. Янгынның сәбәпләре ачыклана.