Бикмуразда булган янгында хуҗабикә пеште (+ фото)

Биредә янгын төнге 3 туларга 20 минутта чыккан. 111 номерлы янгын часте янгын сүндерүчеләре килеп җиткәндә кирпеч йортка терәп салынган агач веранда дөрләп яна торган була. Йортта яшәүчеләр өйдә кеше булмавын әйтәләр. Ә 2 дәрәҗә термик пешү алган 45 яшьлек хуҗа хатынны янгын сүндерүчеләр килгәнче район үзәк дәваханәсенә илтәләр. Янгын нәтиҗәсендә веранда һәм 30 квадрат метр мәйданда йорт түбәсе яна. Буа һәм Чүпрәле районнары буенча янгын күзәтчелеге бүлекчәсе дознавателе Александр Мутов әйтүенчә, ут электр җиһазын монтажлау кагыйдәләрен бозу аркасында чыккан дип фаразлана.