Байрак
  • Рус Тат
  • Бу минутларда Буада “Ният” регионара фестивале җиңүчесен ачыклыйлар (+фото)

    Буа дәүләт драма театры оештыруында узучы татар балалар театраль коллективларының регионара фестиваленә быел республиканың Идел аръягы районнарыннан, Пенза, Түбән Новгород өлкәләреннән, Чуашстан республикасыннан 47 заявка кабул ителгән.

    Театр артистларыннан торган жюри алар арасыннан иң-иңнәрен сайлап алган. Бу минутларда театр сәхнәсендә иң яхшылар, дип табылган өч спектакльдән өзек күрсәтәләр. Чуашстанның Батыр районы Татар Согыты мәктәбе укучылары К. Тинчуринның “Казан сөлгесе”, Кама Тамагы районының Иске Казиле мәктәбе театраль коллективы – А. Алишның “Сертотмас үрдәк”, Буаның Яңа Чәчкап мәктәбенең яшь артистлары Д. Салиховның “Микүлә дәдәйнең бөер ташы” әсәрләрен сәхнәләштерәләр. Алар арасыннан берсенә Гран-при һәм икесенә беренче урыннар биреләчәк. Бүләкләү барлыгы 18 номинациядә үткәреләчәк. Бүләкләү тантанасы чыгышлар тәмамланганнан соң башланачак.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: