Буа коткаручылары: су басудан ничек сакланырга

Беренче чиратта кар суларын торак йортлар, йорт яны корылмалары тирәсеннән ерып җибәрергә, түбәләрне кардан чистартырга кирәк. Су басу очрагына эчә торган су, озак вакыт сакланучы азы-төлек запасын, медикаментларны кайгырту, шулай ук нәүрәпләрдә сакланучы яшелчәләрне  куеп тору урыны әзерләү, кыйммәтле әйберләрне, җиһазларны, көнкүреш техникасын вакытлыча саклау өчен чормаларны чистарту мөһим. Су кинәт күтәрелгәндә балаларны һәм өлкән яшьтәге кешеләрне эвакуацияләү мөмкинлеге турында да алдан кайгыртырга кирәк. Документларны, акча средстволарын, кыйммәтле әйберләрне эвакуацияләү очрагында үзең белән тиз алу өчен уңайлы урынны барлау да мәслихәт.