Буа полицейскийлары законсыз аракы, көмешкә, ром, текила, виски, “фанфурик” юлын бүлгәннәр

Район эчке эшләр бүлегенең икътисади җинаятьләргә каршы көрәш бүлекчәсе хезмәткәрләре быел 1592,8 литр законсыз алкоголь продукция юлына аркылы төшкәннәр. Алар арасында Казахстан, Дагыстан аракылары да бар. Шул исәптән Татарстанстанда лицензиясез җитештерелгәне дә. Исерткеч эчемлекләрнең башка төрләренә килгәндә, ялган коньяк 228,5 литр, виски, текила, ром -11,2 литр, көмешкә - 8,7 литр, фанфурик 37,9 литр алынган. ОБЭП хезмәткәрләре әйтүенчә, соңгысы ноябрь, декабрь айларында сәүдә нокталарында бөтенләй югалган. Димәк, "фанфурикларга" каршы көрәш нәтиҗәле алып барылган.

Фото: news.meta.ua