Буа полицейскийларын һөнәри бәйрәмнәре белән тәбрикләделәр (фоторепортаж)

Бәйрәм традицион форматта барды. Хокук саклау хезмәткәрләрен алдан район башлыгының беренче урынбасары Илдар Еремеев котлады, бүләкләр тапшырды. Аннан коллегаларын котларга сәхнәгә район эчке эшләр бүлеге начальнигы Ренат Хәсәнов чыкты. Ул тәбрикләү сүзләрен җиткергәч, зур нәтиҗәләргә ирешкән полицейскийларга күкрәк билгеләре такты, Мактау грамотасы һәм Рәхмәт хатлары тапшырды. Соңгысы райондагы җәмәгать тәртибен саклауда ярдәм иткән оешма-предприятиеләрнең сак бүлеге начальникларына, “Форпост” тәртип саклау отряды егет-кызларына да бирелде. Һәр чыгыш район үзешчәннәренең концерт номерлары белән үрелеп барды.