Бүгенге көндә биш район республика буенча суктырылган ашлыкның 22% тан артыгын тәэмин итә.
Бу – Буа (154,6 мең тонна), Тәтеш (146,9 мең тонна), Минзәлә (130,9 мең тонна), Тукай (124,6 мең тонна) һәм Арча (128,4 мең тонна) районнары. Нәкъ менә әлеге территорияләр гомуми нәтиҗәгә иң зур өлеш кертә. Шул ук вакытта аларга зур җаваплылык та йөкләнгән: зур мәйданнарда урып-җыю эшләренең тоткарлануы республика статистикасына шунда ук йогынты ясый.
«Республика Татарстан» газетасы язганча, Буа районы авыл хуҗалыгы һәм азык-төлек идарәсе башлыгы Ранис Габитов районның 155 мең тоннадан артык ашлык җыеп алуын, ә гомуми фаразның якынча 215 мең тонна тәшкил итүен хәбәр итте. Шул ук вакытта тагын 55 мең гектар тирәсе мәйданда, шул исәптән язгы бодай һәм арпаны урып-җыясы бар. Район республиканы оятка калдырмаячак, чөнки югары уңыш нигезе сезон башында ук салынган иде: хуҗалыклар техниканы яңарттылар һәм агротехнологияләрне катгый үтәделәр.
– Район хуҗалыклары карамагында 175 комбайн бар. Кайбер кырларда ашлыкның дымлы булуы сәбәпле, аларның барысы да берьюлы эшли алмады. Техниканың бер өлеше башка төр эшләргә күчте. Соңгы биш елда 30 яңа комбайн сатып алынды. Ике элеватордан тыш, хуҗалыкларның үз ашлык саклагычлары да бар. Узган җәйдә 15 яңа склад төзелде, чистарту линияләре урнаштырыла. Быел гектарына 110 кг минераль ашлама кертелде. Без шулай ук фунгицидлар белән актив эшлибез һәм авыруларны булдырмас, уңышны арттырыр өчен мәйданнарның 60–70%ында десикация үткәрәбез. Сортларны яңарту һәм яңа технологияләрне кертү буенча актив эш алып барыла, – дип аңлатты Ранис Габитов.
Быел башыннан Буа районы юлларында 6 кеше һәлак булды
Буада юл йөрү кагыйдәләрен саклау буенча киңәшмә узды.
Аны район башкарма комитеты җитәкчесе Ленар Шакирҗано алып барды. Төп доклад белән район ГАИ бүлекчәсе начальнигы Алмас Кәримов чыгыш ясады. Ул райондагы юлларда булган хәлләр турында сөйләде. Быел 9 ай эчендә район юлларында 6 кеше һәлак булган.
Нет комментариев