Фирзар Солтан улы күп еллар инде үзенең туган Кайбыч авылында яши һәм ил тормышыннан читтә калмый.
Сайлау көннәрендә Буа районы халкы аеруча активлык күрсәтә. Читтә калмыйча, үз гражданлык бурычын үтәүчеләр арасында — бөтен республика яратып тыңлый торган көйләр авторы, Татарстанның атказанган һәм халык артисты, Буа шәһәренең мактаулы гражданины, легендар шәхес Фирзәр Мортазин да бар.
Фирзар Солтан улы үзенең туган Кайбыч авылындагы 1205 номерлы сайлау участогына тормыш иптәше Наилә ханым белән бергә килде. Мортазиннар гаиләсе өчен тавыш бирү — гади бер формальлек кенә түгел, ә күркәм гадәт һәм үз җиреңә булган ихлас мәхәббәт чагылышы.
Фирзар Мортазинны хаклы рәвештә татар эстрадасы мэтры дип атыйлар. Тирән мәгънәле һәм җанлы җырларында бер буын гына түгел, ә берничә үсеп җитте. Аның музыкасы татар мәдәниятенең алтын фондына әйләнде.
Фирзәр Солтан улы күренекле музыкант буларак кына түгел, ә актив тормыш позицияле кеше буларак та билгеле. Ул — кече ватанының чын патриоты. Композитор туган авылында балалар Сабантуйлары үткәрде, алар җирле балалар өчен чын бәйрәмгә әйләнде.
Композитор билгеләп үткәнчә, үз гражданлык позицияңне күрсәтү — мөһим бурыч.
Фирзәр Мортазин тагын бер кат исбатлады: чын артист һәм граждан һәрвакыт үз тамырларына, үз халкына һәм киләчәк алдындагы җаваплылыгына тугры кала.
Нет комментариев