Буа уңганнары Казанга, “Корстон”га киттеләр

Бу минутларда "Корстон" сәүдә-күңел ачу комплексында Татарстан Президенты Рөстәм Миңнеханов Авыл хуҗалыгы һәм эшкәртү промышленносте хезмәткәрләре көне уңаеннан республика уңганнарын тантаналы кабул итә. Анда муниципаль район башлыгы җитәкчелегендә буалылар да бардылар. Алар - "Ак Барс Буа" агрофирмасының 1 номерлы "Тахаръял" һәм 2 номерлы "Дружба" филиалларының алдынгы механизаторлары Владимир Исаев һәм Александр Степанов, "Авангард" агрофирмасы директоры Николай Курчаткин, дуңгызчылык комплексы өлкән операторы Татьяна Иванова, "Коммуна" җитәкчесе Җәүдәт Хөсәенов, сыерларны машина белән саву оперторы Галина Николаева, авыл хуҗалыгы һәм азык-төлек идарәсе начальнигы Радик Даутов, механикалашатыру буенча консультанты Рәис Юнысов, фермер Илдус Хәйретдинов, ветеринария техникумының элеккеге директоры Вәгыйзь Сөнгәтов.