Буа урамнарында тузан. Коммуналчылар ничек җавап бирәләр?

Кар киткәч, юлларда калган тузан автомобильләр үткән саен өскә күтәрелә. Җәяүлеләр аны сулап йөрергә мәҗбүр. Коммуналчылар бу хәлдән нинди чара күрә икән? Без бу сорауны "Буа МППЖКХсы (инженерлык челтәрләре)" җәмгыяте начальнигы Айрат Яфизовка бирдек.

-Һәркөнне төнге 12дән алып бер бригада юллардагы тузанны себереп, төяп шәһәрдән читкә чыгаралар. Бүген, мәсәлән, алар Вокзал урамында эшлиләр. Пычракны әле кардан соң кибеп җитмәгән юллардан йөрүче автомобильләр ташый. Чистарту эше план буенча алып барылачак, - диде Айрат Яфизов.