Буада бакчалар, мәктәпләр, ФАПлар, юллар яңару дәвам итәчәк – социаль программаларның гамәлдә булуы озайтылды

Татарстанда гамәлгә ашырылып килүче 30дан артык социаль программаларның нәкъ менә районнар үсешен күздә тота. Шул рәвешле, авылларда яшәү сыйфаты арта, районнар матурлана, үсә, яңара. Татарстан Президенты күрсәтмәсе нигезендә, бу программалар илдәге икътисади кризис шартларында да туктатылмый килде. 2017 елда да әлеге программалар эшләвен дәвам итәчәк, дип белдерде Рөстәм Миңнеханов

Узган елда парк һәм скверларны төзекләндерү программасы үз эшен башлап җибәрде, Нәтиҗәдә, барлык 45 районда да ял итү урыннарының күбесе төзекләндерелде, яңалары барлыкка килде. Буа районында үзәк парк танымаслык булып үзгәрде. 2012 елдан 11 мәктәп, 6 балалар бакчасы ремонтланды, яңалары ачылды, 2013 елдан башлап шәһәрдә 12, авылларда 2 спорт мәйданчыгы булдырылды.