Буада бүген төнлә автомобиль янды (+фото)

Шәһәрнең Арефьев урамы, 3 йорт ишегалдында торучы автомобильгә ут элүе турында 111 номерлы янгын частена төнге сәгать 3 туларга 15 минутта шалтыратып хәбәр итәләр. Янгын сүндерүчеләр килеп җиткәндә ак төстәге "БМВх5" автомобиле ялкынланып яна торган була. Машинаның алгы өлеше һәм салоны янып бетә. Шулай ук аның янында торучы шушы ук хуҗаның "ВАЗ-2107" автомобиленә дә зыян килә - бамперының бер өлеше һәм ян көзгесе эри. Буа районы буенча күзәтчелек эшчәнлеге өлкән дознавателе Александр Мутов әйтүенчә, ут автомобильнең узеллары һәм механизмнары төсексезлеге аркасында килеп чыккан дип фаразлана.