Буада бәйрәм чыршылары утларын кайчан кабызачак?

Чыршыларны танатаналы ачу чаралары 30 декбрьдән башлана. 15.00 сәгатьтә беренче булып Буа элеваторы территориясендәге урман сылуы утларын кабызачак. 15.30 сәгатьтә вокзал каршындагы, 16.00 сәгатьтә шикәр заводы паркындагы, 16.30 сәгатьтә Яшьләр паркындагы чыршылар балкый башлаячак. Үзәк мәйдандагы чыршыны ачу тантанасы 31 декабрьдә 17.30 сәгатьтә башлана. 18.00 сәгатьтә бәйрәм фейервергы була. Ул район мәдәният йорты оештыруында музыкаль-уен программасы белән дәвам итәчәк. Яшьләр паркында да 18.00 сәгатьтә күңел ачу чарасы башлана, аны 1 номерлы сәнгать мәктәбе үткәрә.