Буада елны “ачкан” егеткә бүләк тапшырдылар
Яңа 2019 елны 3 гыйнварда 13 сәгать 25 минутта дөньяга аваз салган “егет” ачуы турында хәбәр иткән идек инде.
Буада яшәүче Эмма һәм Иван Волковларга өченче уллары шундый шатлыклы бүләк ясаган. Ә бүген, Гашыйклар көнендә, район ЗАГС бүлеге начальнигы Эльвира һәм әйдәп баручы белгеч Люция Җамалтдинова шатландырдылар – аларны күптән килгән традиция буенча өйләренә барып котладылар. Эльвира Радиковна гаиләгә Истәлекле адрес, үзләреннән һәм район башкарма комитеты исеменнән бүләк тапшырды. Балага Матвей дип кушканнар.
– Гыйнварда туган балага кышның кырыслыгын киметү өчен йомшаграк исем бирергә кирәк, дип укыган идем, – ди Эмма. Гаилә башлыгы әлегә өйдә түгел – ул вахта белән эшли. Гаилә аның шушы көннәрдә кайтуын түземсезлек белән көтә. Шуңа да әниләренең төп терәкләре – олы уллары. Җиденчедә укучы Радик һәм биш яшьлек Семен энеләрен бик яраталар.
Следите за самым важным и интересным в Telegram-каналеТатмедиа
Нет комментариев