Буада эшмәкәрләр өчен “аерым тәрәзә” ачылды

Эшмәкәрләргә кирәк булган барлык мәгълүматлар белән  “ТР эшмәкәрлеккә ярдәм итү фонды”ның коммерциячел булмаган микрокредит компаниясенең эшмәкәрлеккә ярдәм итү үзәге вәкилләре эшләрен кординацияләү бүлеге вәкиле Эльмира Гыйсмәтуллина ярдәм итәчәк. Үз эшләрен ачарга теләгән физик затлар  хокук, финанс мәсьәләләре буенча, эшче куллар алырга уйлаганда, кредит яисә башка төрле финанс ресурслары кызыксындырганда, башка төрле сораулар килеп туганда бирегә мөрәҗәгать итә алалар. Шулай ук үзмәшгульле булучылар “Минем салым” кушымтасы буенча да барлык мәгълүматларны ала алалар. Бүлек сишәмбе һәм пәнҗешәмбе көн дәвамында кабул итәчәк.