Буада ике кыз мәктәпне икешәр медаль белән тәмамладылар

Быел иң өлгер чыгарылышларга икешәр медаль тапшырылды. Традицион "алтын"нар аттестатында гел "5"леләр генә булганнарга бирелде. Ә бердәм дәүләт имтиханнарында барлык фәннәрдән 75 һәм аннан күбрәк балл җыючылар беренче медальдән тыш Татарстанның "Укудагы аерым уңышлары өчен" медаленә дә лаек булды. Быел районнан ике укучы икешәр медальле булды. Алар - шәһәрнең лицей-итернатыннан Алинә Большакова һәм Адав-Толымбайдан Ландыш Миңгалиева.
Сүз уңаеннан быел медальләр рейтингында иң югары баскычта шәһәрнең 5 номерлы мәктәбе һәм лицей-интернат тора - 7шәр укучы, аннары - 1 номерлы мәктәп - 6, М. Вахитов исемендәге гимназия, Р.З. Сәгъдиев исемендәге, Алших, Яңа Чәчкап мәктәпләре - 4әр, 2 номерлы лицей, Иске Тинчәле мәктәбе - 3әр, Чуаш Киштәге, Килдураз - 2шәр, Адав-Толымбай, Аксу - 1әр чыгарылыш.