Байрак
  • Рус Тат
  • Буада кемнең кар фигурасы һәм территориясе иң матуры? (+фото)

    Административ биналарны, аларның территорияләрен Яңа ел алдыннан иң матур бизәүчеләрне һәм иң оригиналь чыршыларны ачыклаучы смотр-конкурска йомгак ясалды. Үзәк паркта М. Вахитов исемендәге гимназиянең, Яшьләр паркында 1 номерлы сәнгать мәктәбе коллективы ясаган Әтәчләр иң матур дип табылдылар. Үзәк паркта икенче урында мәктәптән тыш эшләр үзәгенең Бүресе, өченчедә - мәгариф идарәсенең...

    Административ биналарны, аларның территорияләрен Яңа ел алдыннан иң матур бизәүчеләрне һәм иң оригиналь чыршыларны ачыклаучы смотр-конкурска йомгак ясалды.
    Үзәк паркта М. Вахитов исемендәге гимназиянең, Яшьләр паркында 1 номерлы сәнгать мәктәбе коллективы ясаган Әтәчләр иң матур дип табылдылар. Үзәк паркта икенче урында мәктәптән тыш эшләр үзәгенең Бүресе, өченчедә - мәгариф идарәсенең Итекле Мәчесе. Яшьләр паркында "Россельхозбанк"ның Гена атлы Крокодилы - икенче, үзәк китапханәнең Кызыл Калфагы өченче урыннарда.
    Шикәр заводы паркында заводның Клоун-тавы беренче, медицина училищесының Аты - икенче, 1 номерлы мәктәпнең Маймылы өченче урыннарда. Вокзал алды территориясендә "Дорсервис"ның миче беренче, 5 номерлы гимназиянең Кыш Бабае - икенче, Буа газының Убырлы Карчыгы өченче урыннарда.
    Административ бинаны һәм аның территориясен иң матур бизәүче - Буа электр челтәрләре. Икенче урында - веттехникум, өченчедә - элеватор. Мәктәпләр арасында - беренчедә - 1 номерлы мәктәп, икенчедә - 2 номерлы лицей, өченчедә - 5 номерлы гимназия. Иң матур чыршы - үзәк паркта. Икенче урында Яшьләр паркындагысы. Аларны МППЖКХ хезмәткәрләре куйган. Өченче урында - шикәр заводыныкы.

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: