Байрак
  • Рус Тат
  • Буада кош гриппы! Чуашстан республикасыннан сатып алган кошларыгыз үлсә, бу хакта тиз арада хәбәр итегез

    Рәсми мәгълүматларга караганда,  районның Карлы авылында М. Хәйруллов хуҗалыгында кош гриппы авыруы булуы ачыкланган.

    Кошлары үлә башлагач, анализ аларда кош гриппы булуын күрсәткән. Ачыкланганча,  хуҗа 27 сентябрьдә Чуашстанның Батыр районы Татар Согыты авылыннан шәхси эшмәкәрдән үрдәкләр сатып алган. Бүген районда әлеге мәсьәләгә багышланган гадәттән тыш хәлләр комиссиясенең чираттан тыш утырышы узды. Авыруны тиз арада йөгәнләү максатында фермер хуҗалыгында асралган кош-кортларны тиз арада  юк итәргә  кушылды.

    Районда Чуашстан республикасыннан кош-корт һәм азык сатып алучылар,  үз хуҗалыкларында кош-корт  үлеме күзтелгән очракта  кичекмәстән Буа шәһәре, Ленин урамы, 52 йорт адресы буенча ветеринария берләшмәсенә яисә участок ветеринария табибына мөрәҗәгать итәргә тиешләр. Белгечләр кош вирусының кошлар өчен генә түгел, кеше организмы өчен дә куркыныч булуын искәртәләр. Шуңа күрә авыру булганда  мөмкин кадәр тиз арада хәбәр итәргә кушалар.  

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: