Буада күп балалы гаиләләр ни өчен җир участогы алуны суза

Моңа шушы көннәрдә районының коррупциягә каршы көрәш комиссиясе җыелышында район башлыгының беренче урынбасары Валерий Егоров ачыклык кертте. Районда 521 гаиләнең 38е җир участогын сайлуны суза киләләр. Сәбәбе - аларның күпчелеге үз хокукларыннан файдаланып, җир кишәрлеген шәһәрдән алырга теләүләр. Валерий Егоров әлеге программа буенча бүгенгә шәһәр территориясендә - 8, ә авылларда 90 җир участогы булуын әйтә.
Быелның 21 мартына реестрда җир участогы сорап 521 гаиләдән гариза кергән. Шуларның 208е шәһәрдә, 313е авылда яшиләр. 427сенең үтенече канәгатьләндерелгән. 3 гаилә күченеп киткән, 53е үзләре теләп җир алудан баш тарткан.