Байрак
  • Рус Тат
  • Буада өлкәннәргә санлы телевидениене көйләргә волонтерлар ярдәм итәчәк

    Бүген алар моңа үзләре өйрәнү өчен район Советының утырышлар залына семинарга җыелдылар.

    Район авыл җирлекләрендә өлкәннәргә ярдәмгә барлыгы 60 волонтер – укытучылар, мәдәният белгечләре, китапханәчеләр һәм башкалар ярдәмгә киләчәк. Бүген укуга аларның яртысы килде. “Татарстан Республикасы радиотелевизион  тапшыру үзәге”нең Тәтеш филиалы цехы начальнигы Венер Мостаев, белгечләре санлы телевидениене, аны кабул итү өчен булган өстәмә җайланмаларны тоташтыру һәм көйләү тәртибен күрсәттеләр,   махсус буклетлар өләштеләр. Соңыннан аларга волонтер таныклыклары тапшырдылар.

    Муниципаль район башлыгының беренче урынбасары Илдар Еремеев әйтүенчә, районда санлы телевидениене иң ерак авылларда да карый алачаклар. Белгәнебезчә, аналог телевидениене  Татарстанда өзү 3 июньдә башланачак.  Санлы сыйфатта 20 мәҗбүри федераль телеканалны карап булачак. Аналогта “ТНВ” каналы калачак.  

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: