Буада мәчетләрдә намаз укулар, дини чаралар оештыруда вакытлыча яңа тәртип кертелде

Анда инфекциягә җиңел карап, табибларның күрсәтмәләрен үтәмәмичә, үзеңне һәм әйләнә-тирәдәгеләрне вирус йоктыру куркынычына дучар итеп, профилактик чараларны кире кагарга ярамаганлыгы  турында әйтелә.  15 апрельгә кадәр мәчетләргә йөрүчеләргә район мөхтәсибәте тарафыннан күпләп җыелып намаз укудан, белем бирү һәм тәрбия чараларын уздырудан, дини йолалар үткәргәндә күп кеше чакырудан, кул биреп, кочаклашып сәламләшүдән тыелып торырга кирәк булачак. Җеназа намазларын ачык һавада мөмкин кадәр аз кеше катнашында үткәрү кирәклеге турында әйтелде.