Юлия Серебрякова 90 еллыгын билгеләп үтте.
Буа үзәк район хастаханәсенең баш табибы Рөстәм Сәмерханов хастаханәнең элеккеге хезмәткәре Юлия Васильевна Серебрякованы юбилее белән котлады. Күп еллар дәвамында ул хирургия бүлегендә санитарка булып эшләгән.
Кунакларны юбиляр аяк өстендә каршы алды. Чәй өстәле артында Юлия Васильевна үзенең хезмәт еллары турында истәлекләре белән уртаклашты, озак дистә еллар бергә эшләгән хезмәттәшләре турында сөйләде. Чын күңелдән эшләгән бүлеге хакында сорашты.
Рөстәм Сәмерханов юбилярга чәчәкләр һәм хастаханә коллективыннан истәлекле бүләк тапшырды. Кунакчыл хуҗабикә игътибарга һәм кайгыртуга җавап итеп, кунакларны бусагага кадәр озатты һәм аларны киләсе юбилейга чакырды.
Быел башыннан Буа районы юлларында 6 кеше һәлак булды
Буада юл йөрү кагыйдәләрен саклау буенча киңәшмә узды.
Аны район башкарма комитеты җитәкчесе Ленар Шакирҗано алып барды. Төп доклад белән район ГАИ бүлекчәсе начальнигы Алмас Кәримов чыгыш ясады. Ул райондагы юлларда булган хәлләр турында сөйләде. Быел 9 ай эчендә район юлларында 6 кеше һәлак булган.
Нет комментариев