Буада полицейскийлар “Форд Фиеста” автомобилен бәрдереп китүчене эзлиләр

25 август көнне көндез шәһәрнең күпфункцияле үзәге каршында ДТП була - билгесез автомобиль бина каршындагы стоянкага куелган, йөртүчесе хатын-кыз булган "Форд Фиеста" чит ил машинасын бәрдереп китә. Полицейскийлар кичекмәстән вакыйга булган урынга барып, ДТПның шаһитларын барларга керешәләр. Видеотеркәү аппараты зәңгәр төстәге "ВАЗ-2110" автомобиленә охшаган автомобильнең шул тирәдә йөреп торуын, аннан юкка чыгуын төшергән. ЮХИДИ хезмәткәрләре әлеге мәгълүмат буенча шәһәрдәге барлык автосервисларны йөреп чыктылар, әлегә нәтиҗәсез. Эзләү дәвам итә.

Фото bazar.autoua.net сайтыннан алынды.