Буада Президент кулыннан кемнәр бүләк алды

Рөстәм Миңнеханов Буа элеваторы диркторы Газинур Хәбибуллла улы Хәкимовка “Фидакарь хезмәте өчен” медале, Кайбыч авыл җирлеге башлыгы Нияз Шакир улы Абдрахмановка “Татарстан Республикасында җирле узидарәләрне үстерүдәге казанышлары өчен” медале тапшырды. Бикмураз фельдшерлык-акушерлык пункты шәфкать туташы Галина Федоровна Сунейкина “Татарстан Республикасының атказанган сәламәтлек саклау хезмәкәре”, Буа дәүләт драма театры артисты Гөлзада Илдар кызы Камәретдинова “Татарстан республикасының атказанган артисты”, Буа машина төзү заводы фрезеровщигы Илдар Галимулла улы Хәйруллин “Татарстан республикасының атказанган машина төзүчесе”, “Заря” җәмгыяте терлекчесе Анатолий Николаевич Дмитриев “Татарстан Республикасының атказанган терлекчесе”, “Дружба” җәмгыяте механизаторы Зиннур Әнвәр улы Борһанов “Татарстан Республикасының атказанган механизаторы” исеменә лаек булдылар.