Буада район җитәкчеләре катнашында зур ифтар узды ( фоторепортаж)

Кичә район башкарма комитеты җитәкчесе Ранис Камәртдинов, муниципаль район башлыгы урынбасары Илдар Еремеев, район башкарма комитетының социаль мәсьәләләр буенча урынбасары Лилия Садретдинова, Татарстан мөфтиенең беренче урынбасары Илфар хәзрәт Хәсәнов, төбәк казые Инсаф хәзрәт Җәләлетдинов, Төркиядән килгән кунак Йолдыз Хәйри, шәһәр һәм авыл имамнары катнашында аның чираттагысы узды. Илфар хәзрәт Хәсәнов бер уңайдан шәһәрдә торгызылучы  сигезенче яңа мәчет һәм яңа мәдрәсә төзелешләре белән дә танышты, мәдрәсәдә дә булды. Иң беренче кунакларны  “Буа-Алан”да район мөхтәсибе Ильмир Хәсәнов сәламләде, вәгазь сөйләде. Ранис Камәртдинов барысын да изге Рамазан белән тәбрикләп, район башлыгы Марат Җаббаровның сәламләү хатын җиткерде.  Ильмир хәзрәт Хәсәнов Рамазанны олылап килүчеләргә, оештыручыларга, хезмәт күрсәтүче оешмаларга олы рәхмәтен җиткерде.