Буада туулар саны буенча авыл шәһәрне куып җитә

Агымдагы елның гыйнвар-июнь айларында районда 272 бала туган. Беренчедән, бу узган елның тиңдәш чорына караганда 25кә күбрәк, икенчедән, бәби "алып кайтулар" буенча авыл шәһәрне куып җитә язган. Яңа туган сабыйларның 141е шәһәрле, 131е авылдан. Әле узган ел гына бу вакыт арасында туган балаларның 169ы шәһәрдән, 78е авылдан булган. Сүз уңаеннан, ярты елда бер игезәк пар туган.
Ә менә үлүчеләр саны, кызганычка каршы, узган елның яртыеллыгы белән чагыштырмада күбрәк. Быел ярты елда 383 буалы якты дөнья белән хушлашкан. Аларның 195е - ир-ат, 188е - хатын-кыз.

фото zeleny-mir.ru сайтыннан.