Буада уракка төштеләр! Күпме ашлык чыга?

Икенче көн инде “кыр кораблары” арпа кырын иңли. Агрофирманың баш агрономы әйтүенчә, әлеге кырда чәчү 1 апрельдә үткәрелгән. Суктырылган иген әлегә ферма Югары Лашчы симертү мәйданчыгына озатыла. Биредә аны терлек азыгы өчен сытып консервациялиләр. Бүгенге көндә бөртекнең дымлылыгы 30 процент тирәсе. Бу арпаны  шул рәвешле әзерләү өчен бер дигән күрсәткеч. Һәр гектардан уртача уңыш күләме 50-55 центнер тәшкил итә.