Буада Үзәк урамны кабат исемләү анда яшәүчеләргә чыгымнар китерәме?

Хәбәр итүебезчә, Буа шәһәр Советының 2016 елның 1 мартындагы 2-6 номерлы карарына туры китереп, шәһәрнең Үзәк урамы Камил Зыятдинов исеменә үзгәртелә.
Буа шәһәр башкарма комитетыннан алынган мәгълүматка караганда, бу уңайдан әлеге урамда яшәүчеләр өстәмә чыгымнар тотмаячаклар. Гражданның паспортына яшәү урыны буенча теркәлүе турында мәгълүмат УФМС органы тарафыннан түләүсез кертелә. Торак биналарга һәм күчемсез мөлкәт объектларына хокук бирүче документларны алмаштыру ихтыяҗы юк, чөнки урамның исемен үзгәртү аларның гамәлдә булуына йогынты ясамый.