Байрак
  • Рус Тат
  • Буалы хатын-кызның мошенникларга алдануы буенча яңа фактлар билгеле

    Без 46 яшьлек буалы хатын-кызның мошенникларга 100 мең сумнан күбрәк акча күчерүе хакында язган идек. Баксаң, әлеге хатын-кыз белән беренче мондый хәл 2013 елда булган икән. Ул вакытта хатын спутник телеканалы аша трансляцияләнүче каналларның берсендә психотерапевт ярдәме күрсәтү хакында игълан укый. Анда бирелгән телефон номерына шалтыратып, телефон аша психотерапевт "сеансына"...

    Без 46 яшьлек буалы хатын-кызның мошенникларга 100 мең сумнан күбрәк акча күчерүе хакында язган идек. Баксаң, әлеге хатын-кыз белән беренче мондый хәл 2013 елда булган икән. Ул вакытта хатын спутник телеканалы аша трансляцияләнүче каналларның берсендә психотерапевт ярдәме күрсәтү хакында игълан укый. Анда бирелгән телефон номерына шалтыратып, телефон аша психотерапевт "сеансына" языла. Ул 2013-2014 елларда түләүле нигездә телефон аша "психологик ярдәм" ала. 2014 елның ахырына кадәр, ул бу хезмәт күрсәтүдән баш тарта. Шуннан берникадәр вакыт элемтә өзелеп тора. Быелның 18нче гыйнварына кадәр... Бу көнне элеккеге "дуслар" хатынга тагын шалтыраталар, бу юлы икенче төрле "ярдәм" күрсәтү өчен. Элемтәгә чыгучы таныш түгел ир-ат үзен прокуратура хезмәте итеп таныштыра һәм хатынны моңа кадәр "дәвалаган" кешеләрнең мошенник булуларын, аларны тоткарлауларын һәм алданучы буларак хатынга 500 мең сум күләмендә компенсация чыгуын әйтә. Тик моның өчен ул зыян күрүче хатынга Мәскәүгә килергә куша. Анысы "мөмкинчелегем юк", дип баш тарта. Тик үҗәт "прокуратура хезмәткәре" аны тынычлыкта калдырмый - "Килә алмасагыз, 500 мең сум компенсациянең иминияләштерүгә каралган суммасын без әйткән исәп-хисапка күчерегез" дип тагын дүрт тапкыр шалтырата. Аның сүзләренә ышанып хатын мошенникларга 105 мең сумннан күбрәк акча күчерә. Аннан..."прокуратура хезмәткәрләре" юкка чыга.

    Бу уңайдан район эчке эшләр бүлеге кисәтә: таныш түгел кешеләрнең ярдәменә ышанмагыз, якыннарыгыздан башка сезгә беркем дә ярдәм күрсәтмәячәк. Әгәр дә мондый шалтыратулар булса, кичекмәстән 02, 3-12-88 телефон номерлары шалтыратуыгыз сорала.

    Фото: cheboksary.ru

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: