Буалы педагоглар җиңүчеләр арасында

Балаларга тәрбия һәм өстәмә белем өлкәсендә һөнәри осталык буенча республика конкурсының Яр Чаллы шәһәрендә узган финалында буалылар да уңышлы чыгыш ясады. "Мәгариф идарәсе начальнигының тәрбия эшләре буенча урынбасары" номинациясендә Наталья Македонская һәм "Йөрәгемне балаларга бирәм" дигәнендә мәктәптән тыш эшләр үзәгенең өстәмә белем бирү педагогы Зөһрә Гыймранова лауреат булдылар. "Ел сыйныф җитәкчесе" номинациясендә Р. З. Сәгъдиев исемендәге мәктәп укытучысы Марина Бызова финалист дипломы алды.Котлыйбыз!