Буалылар өчен: карны кая илтергә? (+фото)

Ишелеп яуган карны кая куярга? ТР Экология һәм табигый ресурслар министрлыгының районара идарәсе биргән мәгълүматка караганда, буалылар карны шәһәрнең Әйләнеч юлыннан китеп, ЮХИДИ бүлекчәсе артындагы бушлыкка китереп бушата алалар.
Район административ комиссиясе белдерүенчә, ишегалдыннан, капка алдыннан, территориядән җыештырып, карны автомобиль хәрәкәте полосасына чыгарып түккән өчен физик затларга 2000 сумнан 3500 сумгача, вазифаи затларга 15000 сумнан 30000 сумгача, юридик затларга 200000 сумнан 500000 сумгача штрафлар каралган. Быел ике вазифаи зат шундый административ җаваплылыкка тартылды.