Буалылар, иске киемнәрне, уенчыкларны балаларга бүләк итә аласыз

Аз керемле һәм авыр гаиләләрдә тәрбияләнүче 6 айдан алып 10-13 яшьлек балаларга яраклы әйбәт сакланган кием-салымнар, уенчыклар, китаплар, көнкүреш кирәк-яраклары җыю акциясе башланды районда. Балигъ булмаганнар белән эшләү подразделениесе хезмәткәрләре белдерүенчә, сезнең бу ярдәмегезне әлеге балалар тәрбияләнүче гаиләләр бик шатланып кабул итәрләр иде. Әйберләрне Буа шәһәре, Вахитов урамы, 53 йорт адресы буенча балигъ булмаганнар белән эшләү подразделениесенә китерергә була. Һәр әйбер исемлек төзеп кабул ителә һәм яңа хуҗаларга тапшырыла.